Khotbah untuk Anak Sekolah Minggu: Tuhan Mengenal Jalan Orang Benar (Mazmur 1:1-6)

Selamat pagi for torang samua yang dikasihi Tuhan!

Syalom..

Hari ini, torang pe bacaan Alkitab da ambe dari Mazmur 1: 1-6.

Enci mo ba tanya: sapa di sini suka bantu tamang? Sapa yang rajin ba dengar pa mama deng papa? 

Adik-adik, di Mazmur 1:1, Tuhan bilang begini:

“Berbahagialah orang yang tidak berjalan menurut nasihat orang fasik, yang tidak berdiri di jalan orang berdosa, dan yang tidak duduk dalam kumpulan pencemooh.”

Artinya apa? Orang yang hidup benar itu nyanda suka beking sesuatu yang salah. Contohnya: 

Nyanda suka badusta, nyanda suka pukul tamang, Nyanda suka malawang mama, papa, atau guru.

Tapi apa yang orang benar suka? 

Mereka suka Firman Tuhan. Itu sebabnya Torang musti rajin baca Alkitab deng dengar cerita Firman Tuhan!

Mazmur 1:3 lei ada bilang begini:

“Ia seperti pohon, yang ditanam di tepi aliran air, yang menghasilkan buahnya pada musimnya, dan yang daunnya tidak layu; apa saja yang diperbuatnya berhasil.”

Adik-adik tau itu pohon yang subur pe model bagimana?

Depe Daun hijau, buah banyak, batang kuat. Pohon itu subur karena dia ada di tepi air.

Orang benar pe model itu sama Deng itu pohon yang subur. Kalo torang rajin baca Alkitab, rajin berdoa, deng dengar Firman Tuhan, torang pe hidop juga bakal diberkati.

Torang boleh bantu orang laeng.

Torang boleh jadi anak yang pinter deng bae-bae.

Tuhan boleh mo kase berhasil apapun yang torang beking.

Ilustrasi: Nah, adik-adik. Kalau pohon itu torang, yang mana Torang mo pilih, mo jadi pohon yang subur atau pohon yang kering? Pasti mo pilih jadi pohon yang subur, toh?

Makanya ada peringatan dari Tuhan di Mazmur 1:4-6 (Torang baca sama-sama) 

Orang yang hidup nyanda butul itu sama Deng sekam. Apa itu sekam? Itu kulit padi yang ringan, yang gampang angin jaga tiop. Kalu angin tiop ilang. Kalo torang orang Tonsea jaga bilang itu Konga

Nah itu hidop orang fasik itu rupa bagitu. Depe contoh kecil: 

Tu yang ja Suka bikin rusuh di kelas.

Suka malawang orang tua.

Nimau ja baca Alkitab atau dengar Firman Tuhan.

Nimau jaga berdoa

Dari Cerita Alkitab yang enci so bilang tadi Enci mo ba tanya, Sapa di sini yang janji mo beking satu perbuatan baik tiap hari di satu minggu ini? 

(Tunggu anak-anak menjawab.) 

Bagus! Itu tanda kalo torang ini anak Tuhan yang suka hidup benar.

Torang musti inga, Tuhan itu selalu lia pa torang. Dia kenal Skali kalau Torang ini sementara ba jalan sama-sama deng Dia. Kalau torang hidup benar, torang pasti diberkati. 

AMIN

Klik link: Derma yukk